adsby

வியாழன், 21 பிப்ரவரி, 2019

KALVISEITHI NEWS - **Official** - கல்விசெய்தி

Kalviseithi, Kalvisethi, Kalvi seithi, kalviseithigal, trb news – Dear Kalviseithi.net users, here we had updated all news about jobs and others. And we have thankful for all Kalvi seithi visitors. Thank you supports with us and continue us. The students can refer all news about Kalvi ulagam, Kalvi kuyil and Kalvi kadal. So you can access all posts and pages here. If you can’t satisfy our posts please comment with us. Our team will support you.  
Thanks,
Kalviseithi.org.in Team
Update 06-மார்ச்-2018:
1. முதல் முறையாக பிளஸ் 1-க்கு நாளை பொதுத் தேர்வு: 8.63 லட்சம் மாணவர்கள் எழுதுகின்றனர்
2. தனித்தேர்வர்களும் நீட் தேர்வில் பங்கேற்கலாம்: சிபிஎஸ்இ அறிவிப்பு
3. பிளஸ் 2 ஆங்கிலம் முதல் தாள் முறைகேட்டில் ஈடுபட்ட 8 மாணவர்கள் பிடிபட்டனர்
4. நீட் தேர்வுக்கு விண்ணப்பம்: ஆர்வம் காட்டாத அரசுப் பள்ளி மாணவர்கள்
5. ஜிப்மர் எம்பிபிஎஸ் நுழைவுத் தேர்வு: நாளை முதல் விண்ணப்பிக்கலாம்
Update 24 - February - 2018
1. TRB தேர்வு முறை ரத்து செய்யப்பட்டது 
2. TRB Flash News Today
Update 23-February-2018:
1. 1, 6, 9, 11 வகுப்புகள்: புதிய பாட நூல்கள் தயாரிப்புப் பணி தீவிரம்
2. பள்ளிக் கல்வித் துறைக்கு ரூ.149 கோடியில் கட்டடங்கள் திறப்பு
3. அப்படியா ? - ஆசிரியர் -மாணவர் உறவில் விரிசல் அதிகரிப்பை தடுப்பது அவசியம்
Update 22-February-2018:
1. ** நீட் விண்ணப்பிப்பது எப்படி ? மாணவர்கள் தவிப்பு
2. ஆராட்சி மாணவர்களுக்கு உதவி தொகை அறிவிப்பு - மத்திய அமைச்சரவை
3. மாணவர்களின் வழிகாட்டுதலுக்காக அரசின் இலவச அழைப்பு எண் (14417)!

புதன், 4 ஏப்ரல், 2018

பத்தாம் வகுப்பு விடைத்தாள் மதிப்பீடு: ஆசிரியர்களுக்கு அரசு புதிய அனுமதி

பத்தாம் வகுப்பு பொதுத்தேர்வு விடைத்தாள் மதிப்பீட்டுப் பணியை ஆசிரியர்கள் வருவாய் மாவட்டத்துக்குள் விரும்பிய மையத்தில் மேற்கொள்ள அரசு தேர்வுத் துறை அனுமதி அளித்துள்ளது.
இது குறித்து அரசுத் தேர்வுகள் துறை இயக்ககம் மாவட்ட முதன்மைக் கல்வி அலுவலர்களுக்கு அனுப்பியுள்ள சுற்றறிக்கையில் கூறியிருப்பதாவது:- பத்தாம் வகுப்பு பொதுத் தேர்வு விடைத்தாள் மதிப்பீட்டுப் பணியில் ஒரு வருவாய் மாவட்டத்துக்குள் அமைக்கப்பட்ட விடைத்தாள் மதிப்பீடு முகாம்களில், ஆசிரியர்கள் தங்களின் கல்வி மாவட்டத்துக்கு அருகில் உள்ள மற்றொரு கல்வி மாவட்டத்தில் உள்ள முகாம்களில் பணிபுரிய விருப்பம் தெரிவித்தால், விரும்பும் மையத்தில் விடைத்தாள் திருத்தும் பணியில் பணியமர்த்தப்படலாம்.
பத்தாம் வகுப்பு விடைத்தாள் மதிப்பீடு: ஆசிரியர்களுக்கு அரசு புதிய அனுமதி

அந்தக் கல்வி மாவட்டத்தில் அமைக்கப்பட்ட முகாமில் விடைத்தாள் திருத்தும் பணி, குறித்த தேதிக்குள் நிறைவடையாத சூழல் ஏற்பட்டால், மதிப்பீட்டுப் பணி முடிவடைந்த கல்வி மாவட்டத்தில் பணியாற்றும் அனைத்து ஆசிரியர்களும் பணி முடிவடையாத முகாமுக்குச் சென்று விடைத்தாள் மதிப்பீட்டுப் பணியை குறித்த தேதிக்குள் முடிக்க வேண்டும் என்ற நிபந்தனையுடன் அனுமதி அளிக்கலாம் என அதில் கூறப்பட்டுள்ளது .

நீட் நுழைவுத் தேர்வுக்கு இலவசப் பயிற்சி: நாளை முதல் மீண்டும் தொடக்கம்

பிளஸ் 2 அறிவியல் பிரிவு மாணவர்களுக்கு, பொதுத்தேர்வு முடிந்து விட்டதால் 'நீட்' நுழைவுத் தேர்வுக்கான இலவச சிறப்பு வகுப்புகள் வியாழக்கிழமை (ஏப்.5) முதல் மீண்டும் நடைபெறவுள்ளன.
மத்திய அரசு நடத்தும் நீட் உள்ளிட்ட தேர்வுகளில் தமிழக மாணவர்கள் அதிக மதிப்பெண் பெற வேண்டும் என்பதற்காக இலவசப் பயிற்சி மையங்களை கடந்த ஆண்டு நவம்பர் மாதம் தமிழக அரசு தொடங்கியது. 
தொடக்கத்தில் 100 மையங்களில் 20,000 மாணவர்களுக்கு அளிக்கப்பட்ட இந்தப் பயிற்சி, பிப்ரவரி மாத இறுதியில் 70,000 மாணவர்களுக்கு விரிவுபடுத்தப்பட்டது. ஒரு ஊராட்சிக்கு ஒரு மையம் வீதம் மொத்தம் 412 மையங்களில் இந்த மையங்கள் செயல்பட்டுவந்தன. 
இந்த நிலையில், பிளஸ் 2 பொதுத் தேர்வு மார்ச் 1-ஆம் தேதி முதல் தொடங்கியதால் பிப்ரவரி 3-ஆவது வாரம் முதல் மாணவர்களுக்கு பயிற்சி வழங்குவது தற்காலிகமாக நிறுத்தி வைக்கப்பட்டது. 
பிளஸ் 2 வகுப்பில் கணிதமும், அறிவியலும் இணைந்த பாடப்பிரிவு மாணவர்களுக்கு திங்கள்கிழமையுடன் (ஏப்.2) பொதுத்தேர்வு முடிவடைந்தது. இதையடுத்து 412 பயிற்சி மையங்களிலும் நீட் தேர்வுக்கான இலவசப் பயிற்சி வகுப்புகள் வியாழக்கிழமை முதல் மீண்டும் தொடங்க உள்ளது. 
நீட் நுழைவுத் தேர்வுக்கு இலவசப் பயிற்சி: நாளை முதல் மீண்டும் தொடக்கம்

இது குறித்து பள்ளிக் கல்வித்துறை அதிகாரிகள், ஸ்பீடு அகாதெமி நிர்வாகிகள் ஆகியோர் கூறியது:- 
நாடு முழுவதும் மே 6-ஆம் தேதி நடைபெறவுள்ள நீட் நுழைவுத் தேர்வுக்கு தமிழகத்தில் மட்டுமே இலவசப் பயிற்சி வழங்கப்படுகிறது.
நீட் நுழைவுத் தேர்வுக்கு 8,233 மாணவர்கள் விண்ணப்பித்துள்ளனர். இந்த மாணவர்களுக்கு 412 மையங்களிலும் ஏப்.5 முதல் ஏப்.20-ஆம் தேதி வரை தொடர்ச்சியாக அனைத்து நாள்களிலும் பயிற்சி வழங்கப்படும். ஏப்.20-ஆம் தேதிக்குப் பிறகு, தேர்வு மூலம் 2,000 மாணவர்கள் தேர்ந்தெடுக்கப்பட்டு அவர்களுக்கு தமிழகம் முழுவதும் 9 இடங்களில் விடுதியுடன் கூடிய இலவசப் பயிற்சி 15 நாள்கள் வழங்கப்படும்.
பிளஸ் 1 மாணவர்களுக்கும் வாய்ப்பு: நீட் தேர்வுக்கு விண்ணப்பித்த மாணவர்கள் மட்டுமின்றி, ஏற்கெனவே பயிற்சி பெற்ற மாணவர்களும் இதில் பங்கேற்கலாம். அதேபோன்று அரசுப் பள்ளிகளைச்சேர்ந்த பிளஸ் 1 மாணவர்கள் ஏப்.9- ஆம் தேதி பொதுத்தேர்வு முடிந்ததும் பயிற்சியில் கலந்து கொள்ளலாம் என்றனர்.

சிபிஎஸ்இ 10-ஆம் வகுப்பு கணித பாடத்துக்கு மறுதேர்வு இல்லை: மத்திய அரசு

சிபிஎஸ்இ 10ஆம் வகுப்பு கணித பாடத்துக்கு மறுதேர்வு நடத்துவதில்லை என்று மத்திய அரசு முடிவு செய்துள்ளது.
இதுகுறித்து தில்லியில் மத்திய மனிதவள மேம்பாட்டு அமைச்சகத்திலுள்ள கல்வித் துறை செயலர் அணில் ஸ்வரூப் கூறுகையில், 'சிபிஎஸ்இ 10ஆம் வகுப்பு கணித பாட தேர்வுக்கான வினாத்தாள் கசிந்தது தொடர்பான செய்திகள் வெளியானதால் ஏற்படும் பாதிப்பை மதிப்பீடு செய்தும், தேர்வு எழுதிய மாணவர்களின் நலன்களை கவனத்தில் கொண்டும், அந்த பாடத்துக்கு மறுதேர்வு நடத்துவதில்லை என்று முடிவெடுக்கப்பட்டுள்ளது. தில்லி, ஹரியாணா மாநிலங்களிலும் மறுதேர்வு நடத்தப்பட மாட்டாது' என்றார்.
இதைத் தொடர்ந்து சிபிஎஸ்இ அமைப்பு வெளியிட்ட அறிவிக்கையில், '12ஆம் வகுப்புக்கான முக்கிய நுழைவு வாயிலாக 10ஆம் வகுப்பு தேர்வு திகழ்கிறது; பள்ளிக் கல்வியில் முக்கிய அம்சமாக 10ஆம் வகுப்பு தொடர்ந்து இருக்கும்' எனத் தெரிவிக்கப்பட்டுள்ளது. 
சிபிஎஸ்இ 10-ஆம் வகுப்பு கணித பாடத்துக்கு மறுதேர்வு இல்லை: மத்திய அரசு

சிபிஎஸ்இ அமைப்பால் நடத்தப்பட்ட 12ஆம் வகுப்பு பொருளியல் பாடத் தேர்வுக்கான வினாத்தாளும், 10ஆம் வகுப்பு கணித பாடத் தேர்வுக்கான வினாத்தாளும் கசிந்ததாக செய்திகள் வெளியாகின. இதுகுறித்து துறை ரீதியிலான விசாரணைக்கு மத்திய அரசு உத்தரவிட்டது.
சிபிஎஸ்இ அமைப்பின் புகாரின்பேரில், பல்வேறு மாநிலங்களிலும் வழக்குகள் பதிவு செய்யப்பட்டு விசாரணை நடத்தப்பட்டு வருகிறது. தில்லியில் தனியார் பள்ளி ஆசிரியர்கள் 2 பேர் உள்பட 3 பேர் அண்மையில் கைது செய்யப்பட்டனர்.

டிப்ளமோ முடித்தவர்களா நீங்கள்..? பகுதி நேர பிஇ படிக்க விண்ணப்பிக்கலாம்!

சென்னை: பொறியியல் துறையில் பட்டயம் (டிப்ளமோ) பெற்று பணியாற்றி வருபவர்கள் பகுதி நேரமாக பிஇ பொறியியல் படிக்க விண்ணப்பிக்கலாம் என தமிழக தொழில்நுட்ப கல்வி இயக்ககம் அறிவிக்கை வெளியிட்டுள்ளது.
இதுகுறித்து தமிழக தொழில்நுட்ப கல்வி இயக்ககம் வெளியிட்டுள்ள அறிக்கையில், பொறியில் துறையில் பட்டய படிப்பை முடித்து பணிபுரிந்து வருபவர்கள் தமிழகத்தில் உள்ள 6 அரசு பொறியியல் கல்லூரிகள் மற்றும் 3 அரசு உதவி பெறும் பொறியியல் கல்லூரிகளில் பகுதி நேரமாக பொறியியல் படிக்க விண்ணப்பிக்கலாம் என தெரிவித்துள்ளது. 
டிப்ளமோ முடித்தவர்களா நீங்கள்..? பகுதி நேர பிஇ படிக்க விண்ணப்பிக்கலாம்!

இதற்கு www.ptbe-tnea.com என்ற இணையதளத்தின் மூலம் ஆன்லைனில் மட்டுமே விண்ணப்பிக்க முடியும். நாளை வியாழக்கிழமை (ஏப் 5 முதல் மே 10) வரை ஆன்லைனில் விண்ணப்பிக்கலாம். ஆன்லைன் மூலமாக விண்ணப்பித்த பின்னர் அதனை பிரிண்ட் அவுட் எடுத்து அதனுடன் உரிய ஆவணங்கள் மற்றும் பதிவுக்கட்டணத்துடன் கோவை தொழில்நுட்ப கல்லூரி முகவரிக்கு அனுப்பிவைக்க வேண்டும்.
விண்ணப்ப கட்டணமாக ரூ.600 செலுத்த வேண்டும். ஆதி திராவிடர்கள் மற்றும் பழங்குடியின பிரிவினர் ரூ.300 கட்டணமாக செலுத்த வேண்டும் என அந்த அறிவிக்கையில் தெரிவிக்கப்பட்டுள்ளது.

மேலாண்மை படிப்புகளுக்கான 'ஜி-மேட்' தேர்வு நேரம் குறைப்பு

மேலாண்மை பட்டப் படிப்புகளில் சேருவதற்காக சர்வதேச அளவில் நடத்தப்படும் 'ஜி-மேட்' தேர்வுக்கான நேரம், 30 நிமிடங்கள் குறைக்கப்படுவதாக மேலாண்மை பட்டப் படிப்புகளுக்கான சேர்க்கை கவுன்சில் (ஜிமேக்) தெரிவித்துள்ளது.
உலகின் முன்னணி வணிக கல்வி நிறுவனங்களில் சேருவதற்கு 'ஜி-மேட்' தேர்வின் மதிப்பெண்கள் முக்கியமாக கருதப்படுகிறது. இந்தியாவில் உள்ள புகழ்பெற்ற வணிக கல்வி நிறுவனங்களும் ஜி-மேட் தேர்வின் மதிப்பெண்களை ஏற்றுக் கொள்கின்றன.
மேலாண்மை படிப்புகளுக்கான 'ஜி-மேட்' தேர்வு நேரம் குறைப்பு

கணினி வழியில் நடத்தப்படும் இத்தேர்வின் கால அளவு 4 மணி நேரத்தில் இருந்து மூன்றரை மணி நேரமாக குறைக்கப்படுவதாக தேர்வை நடத்தும் 'ஜிமேக்' அமைப்பு தெரிவித்துள்ளது. ஏப்ரல் 16-ஆம் தேதி முதல் புதிய கால அளவு செயல்பாட்டுக்கு வரும்; தேர்வுக்கான கால அளவு குறைக்கப்பட்டாலும், தேர்வின் சாராம்சம், கேள்விகளின் பாணி உள்ளிட்டவற்றில் எந்த மாற்றமும் இல்லை. இந்த நடவடிக்கையால், ஜி-மேட் தேர்வின் தரம் உள்ளிட்ட இதர அம்சங்களில் எந்த குறைவும் ஏற்படாது என்று ஜிமேக் தெரிவித்துள்ளது.
உலக அளவில் 223 வணிகப் படிப்பு நிறுவனங்கள் இணைந்த லாப நோக்கமற்ற அமைப்பு ஜிமேக் என்பது குறிப்பிடத்தக்கது.

சிபிஎஸ்இ தேர்வுகள்: ஆய்வு செய்ய குழு அமைப்பு

மத்திய இடைநிலைக் கல்வி வாரியம் (சிபிஎஸ்இ) நடத்தும் தேர்வுகளை ஆய்வு செய்வதற்காக உயர் அதிகாரக் குழு ஒன்றை மத்திய மனிதவள மேம்பாட்டுத் துறை அமைச்சகம் அமைத்துள்ளது. அந்தக் குழுவுக்கு மனிதவள மேம்பாட்டுத் துறை முன்னாள் செயலர் வி.எஸ்.ஓபராய் தலைவராக நியமிக்கப்பட்டுள்ளார்.
வினாத்தாள் கசிவு உள்பட எந்தவிதமான முறைகேடுகளும் நிகழாத வண்ணம் எவ்வாறு தேர்வுகளை சிறப்பாக நடத்தலாம் என்பது தொடர்பான பரிந்துரைகளை அக்குழு அளிக்கும். இதுதொடர்பான ஆய்வறிக்கையை சமர்ப்பிக்க மே 31-ஆம் தேதி வரை உயர் அதிகாரக் குழுவுக்கு அவகாசம் அளிக்கப்பட்டுள்ளது.
சிபிஎஸ்இ பத்தாம் வகுப்பு மற்றும் பிளஸ்-2 தேர்வுகள் கடந்த 5-ஆம் தேதி தொடங்கின. ஏப்ரல் 12-ஆம் தேதி வரை அத்தேர்வுகள் நடைபெறவுள்ளன. அந்தத் தேர்வுகள் தொடங்கிய நாள் முதலே பல்வேறு சர்ச்சைகள் எழுந்த வண்ணம் உள்ளன.
குறிப்பாக, பிளஸ்-2 தேர்வில் பொருளியல், கணக்குப் பதிவியல் உள்ளிட்ட வினாத் தாள்கள் முன்கூட்டியே கசிந்ததாகத் தகவல்கள் பரவின. பத்தாம் வகுப்பு கணித பாடத் தேர்வின்போதும் இத்தகைய சர்ச்சைகள் எழுந்தன.
சிபிஎஸ்இ தேர்வுகள்: ஆய்வு செய்ய குழு அமைப்பு

முதலில் அந்தக் கூற்றுகளை சிபிஎஸ்இ வாரியம் திட்டவட்டமாக மறுத்தது. இதையடுத்து அதுதொடர்பான விசாரணைக்கு உத்தரவிட்டபோது பல்வேறு உண்மைகள் வெளிச்சத்துக்கு வந்தன. அதன் பின்னர், பொருளியல் மற்றும் கணித பாடத்துக்கான வினாத்தாள்கள் கசிந்ததை ஒப்புக் கொண்ட சிபிஎஸ்இ வாரியம், பொருளியல் பாடத்துக்கு மட்டும் மறுதேர்வு நடத்தப்படும் என அறிவித்தது.
இந்நிலையில், சிபிஎஸ்இ வாரியம் நடத்தும் தேர்வுகளை ஆய்வு செய்யவும், கண்காணிக்கவும் உயர் அதிகாரக் குழு ஒன்றை அமைக்க மத்திய அரசு முடிவு செய்தது. அதன்படி, மனிதவள மேம்பாட்டுத் துறை முன்னாள் செயலர், கல்வியாளர்கள் உள்ளிட்டோர் அடங்கிய குழு அமைக்கப்பட்டுள்ளது.
நவீன தொழில்நுட்ப சாதனங்களின் உதவியோடு, தேர்வில் முறைகேடுகள் நிகழாமல் தடுப்பது தொடர்பாக அக்குழு ஆலோசனைகளை வழங்க உள்ளது.

சிபிஎஸ்இ 12-ஆம் வகுப்பு பொருளியல் பாடத்துக்கு மறுதேர்வு நடத்துவதை எதிர்க்கும் மனுக்கள் தள்ளுபடி

சிபிஎஸ்இ 12ஆம் வகுப்பு பொருளியல் பாடத்துக்கு மறுதேர்வு நடத்தப்படுவதை எதிர்த்து தொடுக்கப்பட்ட 5 மனுக்களை உச்ச நீதிமன்றம் புதன்கிழமை தள்ளுபடி செய்து விட்டது.
சிபிஎஸ்இ 12ஆம் வகுப்பு பொருளியல் பாடத்துக்கு ஏப்ரல் 25ஆம் தேதி மறுதேர்வு நடத்தும் முடிவை எதிர்த்து, உச்ச நீதிமன்றத்தில் மாணவர்கள் உள்ளிட்டோர் சார்பில் 5 மனுக்கள் தாக்கல் செய்யப்பட்டிருந்தன. அந்த மனுக்களில், 'பொருளியல் பாடத்துக்கான மறுதேர்வு நடத்தும் முடிவை ரத்து செய்ய வேண்டும்; இந்த விவகாரம் பல்வேறு மாநிலங்கள் சம்பந்தப்பட்டது ஆகும். எனவே, வினாத்தாள்கள் கசிந்த விவகாரம் குறித்து தில்லி போலீஸாரால் மட்டும் விசாரணை நடத்த முடியாது. சிபிஐ அமைப்பின் விசாரணைக்கு உத்தரவிட வேண்டும்' என்று கோரிக்கை விடுக்கப்பட்டிருந்தது.
ரோஹன் மாத்யூஸ் என்ற மாணவர் தொடுத்திருந்த மனுவில், ஏற்கெனவே நடத்தப்பட்ட தேர்வுகள் அடிப்படையில் முடிவுகளை வெளியிடும்படி சிபிஎஸ்இ அமைப்புக்கு உத்தரவிட வேண்டும் என்று கேட்டுக் கொள்ளப்பட்டிருந்தது.
சிபிஎஸ்இ 12-ஆம் வகுப்பு பொருளியல் பாடத்துக்கு மறுதேர்வு நடத்துவதை எதிர்க்கும் மனுக்கள் தள்ளுபடி

இந்த மனுக்கள், உச்ச நீதிமன்றத்தில் நீதிபதிகள் எஸ்.ஏ. பாப்தே, எல். நாகேஸ்வர ராவ் ஆகியோரைக் கொண்ட அமர்வு முன்பு புதன்கிழமை விசாரணைக்கு வந்தது. அப்போது நீதிபதிகள் கூறியதாவது:
மறுதேர்வு தொடர்பான முடிவை எடுக்கும் சுதந்திரம், சிபிஎஸ்இ அமைப்புக்கு உள்ளது. இதை எதிர்த்து, நீதிமன்றங்களில் வழக்கு தொடுக்க முடியாது.
சிபிஎஸ்இ அமைப்பால் மறுதேர்வு நடத்தப்படும் பட்சத்தில், அதில் மாணவர்கள் கலந்து கொண்டு தேர்வு எழுத வேண்டும். எனவே, சிபிஎஸ்இ மறுதேர்வு முடிவை எதிர்த்து தொடுக்கப்பட்ட 5 மனுக்களையும் தள்ளுபடி செய்கிறோம் என்று நீதிபதிகள் உத்தரவிட்டனர்.
நாடு முழுவதும் சிபிஎஸ்இ அமைப்பால் நடத்தப்பட்ட 12, 10ஆம் வகுப்புக்கான தேர்வுகளில் சில தேர்வுகளுக்கான வினாத்தாள்கள் கசிந்ததாக செய்திகள் வெளியாகின. இதுகுறித்து விசாரணைக்கு மத்திய அரசு உத்தரவிட்டது. 
இதைத் தொடர்ந்து, சிபிஎஸ்இ அமைப்பானது 12ஆம் வகுப்பு பொருளியல் பாடத்துக்கான மறுதேர்வு, நாடு முழுவதும் ஏப்ரல் 25ஆம் தேதி நடத்தப்படும் என்று கடந்த 30ஆம் தேதி அறிவித்தது. 10ஆம் வகுப்பு கணித பாடத்துக்கு, தில்லி, ஹரியாணாவில் மட்டும் மறுதேர்வு நடத்துவது குறித்து ஆலோசித்து வருவதாகவும் தெரிவித்தது.
இந்நிலையில், சிபிஎஸ்இ 10ஆம் வகுப்பு கணித பாடத்துக்கு மறுதேர்வு நடத்தும் திட்டமில்லை என்று மத்திய அரசு செவ்வாய்க்கிழமை அறிவித்தது.

டான்செட் 2018: விண்ணப்பங்கள் வரவேற்பு

முதுநிலை பொறியியல் படிப்புகளில் சேர்க்கை பெறுவதற்கான மாநில அளவிலான (டான்செட்) நுழைவுத் தேர்வுக்கு விண்ணப்பிக்க வரும் 23 -ஆம் தேதி (ஏப்.23) கடைசி நாள் என அண்ணா பல்கலைக்கழகம் அறிவித்துள்ளது.
அகில இந்திய அளவில் நடத்தப்படும் பட்டதாரி நுண்ணறி தேர்வு (கேட்) அல்லது மாநில அளவில் நடத்தப்படும் 'டான்செட்' நுழைவுத் தேர்வு மதிப்பெண்களின் அடிப்படையிலேயே எம்.இ., எம்.டெக்., எம்.ஆர்க்., எம்.பிளான். ஆகிய முதுநிலை பொறியியல் படிப்புகளில் மாணவர் சேர்க்கை நடத்தப்படுகிறது. இதில் 'கேட்' தேர்வு ஏதாவது ஒரு ஐஐடி சார்பிலும், 'டான்செட்' தேர்வு அண்ணா பல்கலைக்கழகம் சார்பிலும் நடத்தப்பட்டு வருகிறது. 2018 -ஆம் ஆண்டுக்கான டான்செட் தேர்வை அண்ணா பல்கலைக்கழகம் அறிவித்துள்ளது.
டான்செட் 2018: விண்ணப்பங்கள் வரவேற்பு

தேர்வு எப்போது?: இதில் எம்.பி.ஏ., எம்.சி.ஏ. படிப்புகளில் சேர்க்கை பெறுவதற்கான டான்செட் தேர்வு மே மாதம் 19 -ஆம் தேதியும், முதுநிலை பொறியியல் படிப்புகளுக்கான நுழைவுத் தேர்வு மே 20 -ஆம் தேதியும் நடத்தப்பட உள்ளன.
இந்தத் தேர்வுக்கு ஆன்-லைனில் பதிவு செய்ய வேண்டும். பதிவு செய்ய ஏப்ரல் 23 கடைசி நாள் என அறிவிக்கப்பட்டுள்ளது. மேலும் விவரங்களை, அண்ணா பல்கலைக்கழக இணையதளத்தைப் பார்த்துத் தெரிந்து கொள்ளலாம்.

விஐடி நுழைவுத்தேர்வு தொடக்கம்

அயல்நாடுகள் உள்பட 175 மையங்களில் விஐடி நுழைவுத்தேர்வு புதன்கிழமை தொடங்கியது. வேலூர் விஐடி வளாகத்தில் நடைபெற்ற நுழைவுத் தேர்வை துணைத்தலைவர் ஜி.வி.செல்வம் பார்வையிட்டார். 
வேலூர் விஐடி வளாகத்தில் இந்தாண்டு பிடெக் சிவில், மெக்கானிக்கல், எலெக்ட்ரிக்கல், எலெக்ட்ரானிக்ஸ், பயோ டெக்னாலஜி, பயோ இன்ஃபர்மேடிக்ஸ், பயோ மெடிக்கல் இன்ஜினியரிங், கணினி அறிவியல், தகவல் தொழில்நுட்பம், கெமிக்கல் இன்ஜினியரிங் உள்ளிட்ட 18 வகையான படிப்புகளுக்கும், விஐடி சென்னை வளாகத்தில் பிடெக் சிவில், மெக்கானிக்கல், எலெக்ட்ரிக்கல், எலெக்ட்ரானிக்ஸ், கணினி அறிவியல் உள்ளிட்ட 7 வகையான படிப்புகளுக்கும், விஐடி போபால் வளாகத்தில் பிடெக் எலெக்ட்ரானிக்ஸ், கணினி அறிவியல், எலெக்ட்ரானிக்ஸ் மற்றும் கணினி என்ஜினியரிங் படிப்புகளுக்கும், விஐடி அமராவதி (ஆந்திரம்) வளாகத்தில் பிடெக் கணினி அறிவியல், மெக்கானிக்கல், எலெக்ட்ரிக்கல் ஆகிய படிப்புகளிலும் சேர்வதற்கான நுழைவுத்தேர்வு புதன்கிழமை (ஏப்.4) தொடங்கி வரும் 15-ஆம் தேதி வரை நடைபெறுகிறது.
விஐடி நுழைவுத்தேர்வு தொடக்கம்

இதையொட்டி, துபை, குவைத், மஸ்கட், கத்தார் ஆகிய அயல்நாடுகளிள், இந்தியாவில் 120 நகரங்கள் என மொத்தம் 175 மையங்கள் அமைக்கப்பட்டு கணினி முறையில் நுழைவுத்தேர்வு நடைபெறுகிறது. காலை 9 முதல் 11.30 மணி வரையும், மதியம் 12.30 மணி முதல் 3 மணி வரையும், மாலை 4 மணி முதல் 6.30 மணி வரையும் என மூன்று பிரிவுகளாக நடைபெறுகின்றன. இந்த நுழைவுத் தேர்வில் பங்கேற்க 2 லட்சத்து 12 ஆயிரம் மாணவிகள் விண்ணப்பித்தனர். இதில், அதிகபட்சமாக ஆந்திராவில் 33,319 மாணவர்களும், தமிழகத்திலிருந்து 16,824 மாணவர்களும் நுழைவுத் தேர்வில் பங்கேற்க விண்ணப்பித்தனர். நுழைவுத் தேர்வு முடிவுகள் ஏப்ரல் மாத இறுதியில் www.vit.ac.in  என்ற இணையதளத்தில் வெளியிடப்பட உள்ளன.
இந்நிலையில், வேலூர் விஐடி வளாகத்தில் புதன்கிழமை நடைபெற்ற நுழைவுத் தேர்வை விஐடி துணைத் தலைவர் ஜி.வி.செல்வம் பார்வையிட்டார். அப்போது அவர் செய்தியாளர்களிடம் கூறியதாவது:
பிளஸ் 2 பொதுத்தேர்வில் மாநில அளவில் முதலிடம் பிடிக்கும் மாணவ, மாணவிகளுக்கு விஐடி பல்கலைக் கழகத்தின் ஜிவி பள்ளி மேம்பாட்டுத் திட்டத்தின்கீழ் பிடெக் படிக்கும் 4 ஆண்டு காலம் முழுவதும் நூறு சதவீதம் கல்விக் கட்டணச் சலுகை அளிக்கப்படுகிறது. தவிர, விஐடி நுழைவுத் தேர்வில் ஒன்று முதல் 50 இடங்களுக்கு உள்ளாக தகுதிபெறும் மாணவர்களுக்கு 75 சதவீத படிப்புக்கட்டணச் சலுகையும், 51 முதல் நூறு இடங்கள் பெறுபவர்களுககு 50 சதவீத படிப்புக் கட்டணச் சலுகையும், 101 முதல் 1000 இடங்கள் பெறுபவர்களுக்கு 25 சதவீத படிப்புக் கட்டணச் சலுகையும் 4 ஆண்டுகாலம் முழுவதும் வழங்கப்படுகிறது.
தமிழகத்திலுள்ள கிராமப்புற ஏழை குடும்ப மாணவ, மாணவிகளும் விஐடி பல்கலைக்கழகத்தில் உயர்கல்வி பயிலும் வகையில் செயல்படுத்தப்பட்டு வரும் ஸ்டார்ஸ் திட்டத்தின் கீழ் ஒவ்வொரு மாவட்டத்திலும் மாவட்ட அளவில் பிளஸ் 2 தேர்வில் முதலிடம் பெறும் மாணவ, மாணவிகளுக்கு நூறு சதவீத படிப்புக் கட்டணச் சலுகையுடன் உணவு, தங்குமிட வசதியுடன் விஐடி பல்கலைக்கழகத்தில் இலவச சேர்க்கை வழங்கப்படுகிறது என்றார் அவர்.
அப்போது, துணைவேந்தர் நாராயணன், பிடெக் மாணவர் சேர்க்கை இயக்குநர் கே.மணிவண்ணன் உள்ளிட்டோர் உடனிருந்தனர்.